Þotustrik

Einkamál

2009-08-04T16:01:00.003Z

Karlmaður um fertugt
með sjálfstæðan fjárhag
óskar eftir að kynnast she-male.
Með vináttu í huga.

Niðdimm er nóttin

2009-03-27T14:20:00.000Z

Nafnfræðigátan 2009

2009-03-03T00:15:00.009Z

Rýnið í útúrsnúningana hér að neðan og setjið íslensk BÆJANÖFN inn í viðeigandi reiti. Altso, eða bara senda svar í kommenti með viðeigandi númeri. Tölurnar í svigunum segja til um hvað margir stafir eru í nafninu. Gamla gátan er hérna.

Lóðrétt:
1: Hátt spil rennir sér á sleða (8)
4: Innfluttur skrímslatangi frá Skotlandi (7)
7: Þessir Rómverjar eru klikk (12)
8: Karlsvín hætti að þamba brennivín (10)
13: Ég sé ... ég sé ... Kántrýbæ! (11)
14: Lærdómsmóða (5)
15: Billy týndist í sænskri húsgagnaverslun (6)
16: Ἀχιλλεύς (4)

Lárétt:
2: Nákomnir menn reka út úr sér sameiginlegt líffæri (11)
3: Heimsfrægur svanur (5)
5: Með plóginn í hinni (6)
6: Benedikt setti skonsu undir, beikon ofan á og hollenska sósu allt um kring (3)
9: Bækur fást við blautan veg (3)
10: "...s Haka strandar ..." (7)
11: Þyrstir menn þar búa (10)
12: Langt í austur bjáni bjó í fornum skógi (14)
17: Flytur súpu skálina í (4)
18: Billy aftur hérna? (6)
19: Varúð! Hætta á að þungur farmur velti (4)
20: Engin þögn í lýsingarhætti (8)
21: Systir Sætu og Söltu (5)
22: Annar samastaður (8)
23: Pétur gekk allan hringinn (6)
24: Ad fontes! (6)
25: Örnefni mánaðarins í maí 2008, töfrum líkastar (7)
26: Aldrei kemst hann fram fyrir (4)
27: Byggt og búið, betra líf (7)
28: Pectus aureus (10)
30: Upp fyrir garða, garða (5)

Lárétt, lóðrétt og svo aftur lárétt:
29: Sóttvarnalæknisá (11)

Eitt númer gleymdist að setja inn á reitina. Það hefði átt að byrja aftast í sömu línu og nr. 11 er í, liggja lóðrétt í suður, spanna 12 stafi og vísbendingin: Seríostangi. Númer 25, og kannski fleiri, er auðvelt að gúkkulera -- en ætli menn geti hamið sig? Gátan er sett upp eins og krossgáta en það er eiginlega bara blöff, það er ósköp lítið um að orð krossi. Fannst það bara lúkka meira prófessjónelt svona. Gó kreisí!

Bókamarkaður

2009-03-02T21:48:00.002Z

Ég kom út úr bókamarkaðinum á Öskjuhlíð í dag hlaðinn einni einustu bók. Fátt annað vakti áhuga minn. Frúnni tókst að koma út alveg bóklausri. Bókin sem ég keypti heitir Kennari á faraldsfæti. Minningar frá kennarastarfi eftir Auðun Braga Sveinsson, þann mikla snilling. Hún fjallar um sigra og sorgir Auðuns/Auðunar (eða Átúns eins og danskir skólakrakkar kölluðu hann) í skólastofunni og utan og er mikill skemmtilestur. Þar í er þetta:

"Ekki má þó skilja orð mín svo, að ég væri aldrei með börnunum úti í frímínútum. Var ég oft með þeim, einkum í knattspyrnunni, og þá helst í marki."

Annars er blogg lítt skrifað og minnur lesið. Ládeyða í þessu sem öðru.

Skelli kannski inn hér Nafnfræðigátunni 2009 fljótlega. Hún var borin fram fyrir mektarfólk um liðna helgi og þótti svínslega erfið. Samt gátu sumir nokkuð. Hér er forsmekkur: "9 lóðrétt: Bækur fást við blautan veg." Spurt er um íslenskt bæjarnafn.

Tepokablogg

2009-02-12T11:27:00.007Z

Í misheppnaðri tilraun til að skilja hvað orðið tepokablogg merkir rakst ég á skemmtilega síðu. Hún ætti að höfða sérstaklega til áhugamanna um orðabækur og tedrykkju. Smellið á tepokana!

Ætli sé mikið fjör að vera þurrhumpulegur? Eða þvagsæll? Rétt upp hend sem vill láta jónína á sér rassgatið!

Yfirbót um tannkrem og ákveðin íblöndunarefni

2009-02-04T12:15:00.005Z

Síróp og heilbrigðar tennur fara ekki saman. Ég þakka ábendinguna.

Ippon í Nippon

2009-01-23T11:13:00.002Z

Morgungjöf bóndadagsins var Bagdad Café, gömul uppáhaldsmynd. Skoðaði frægt lag úr myndinni, Calling you, á Þúskjánum. La, la. Rakst í kjölfarið á annað skemmtilegra sem tengist myndinni ekki en deilir samt nafni með henni. Um er að ræða e.k. japanskt ska sem kom mér í gott skap á þyngslalegum degi. Takið sérstaklega eftir gulhvítri birtunni. Hana væri gott að fá í morgungjöf sem fyrst.

Leikhúsbyltingin

2009-01-22T09:34:00.000Z

Ég var þar

2009-01-21T23:26:00.004Z

Makkintoss-byltingin er hafin. Ég var þar.

Mynd úr byltingunni

2009-01-21T09:26:00.002Z

Þokkafulla byltingarstúlkan laugar fætur sínar meðan vina hennar skrifar ádrepu á blogg.

Amma upp á þaki

2009-01-16T11:03:00.000Z

Enn einu sinni hafa menn kveikt eld af mannavöldum í fjölbýlishúsi með mörgum íbúðum í Reykjavík. Dapurlegra er en orð fá lýst er sorgin yfir að kveikt sé í heimili fólks og íbúð - ótrúleg mannvonska sem í því felst og illska. Heimili fólks og griðastaður er þeirra helgasti staður og er ekkert nema tilræði við þá sem þar búa að reyna að kveikja eld þar um hánótt seint um kvöld. Tilgangurinn er enginn nema skaða fólk eða jafnvel meiða það. Hvað er að þeim sem kveikja bál með eldspýtum hjá fólki sem sefur um nótt eða er upp í rúmi að lesa Ís Fólkið og gerir tilraun til að brenna það inni eða gefa því allaveganna reykeitrun.

Skrilljóner

2009-01-15T13:01:00.001Z

Bara það væri hægt að koma öllum þessum fimmaurabröndurum í verð.

Ég og Goggi

2009-01-14T15:31:00.003Z

Kveðjur að afloknu afmæli

2009-01-11T12:28:00.003Z

Bestu þakkir til allra sem sáu sér fært að mæta í afmælið mitt. Sérstakar þakkir fær Hörður Torfason fyrir að sjá um músík og skemmtiatriði á sinn einstaka og frábæra hátt. Einnig vil ég þakka Breiðfirðingafélaginu fyrir endurgjaldslaus afnot af sal þeirra við Hverfisgötuna. Þá vil ég biðja þá afsökunar sem komu seint að heimagerðu snitturnar skyldu bara vera búnar. Það var ekki ætlunin að gestir okkar syltu. Ég minni svo á að allar gjafir verða sendar beint til Mæðrastyrksnefndar eins og ég var búinn að taka fram á síðunni minni á Flettismetti. Látum hjarta ráða för! Lífið er gott. Óli.

Frægir vinir

2009-01-09T10:37:00.004Z

Flettismetti er farið að draga úr mér allan kjark. Hægra megin á síðunni er listi yfir fólk sem maður þekkir ekki sjálfur heldur einhverjir sem þekkja einhvern sem maður þekkir! Í mínu tilfelli eru þetta þvílíkar kanónur að maður fer bara hjá sér. Þarna eru rithöfundar og bókaútgefendur, prófessorar og leikhúsfólk, útvarpsmenn, heimspekingar, skáld. Ritstjórar tímarita og frægir bloggarar. Allt fólk sem ég þekki ekki en vildi óska að ég gerði. Svona af því það er kreppa og það er betra til afspurnar að þekkja svona menningar- lista- og gáfufólk heldur en t.d. bankamenn eða lögfræðinga. Ég þekki reyndar lítið sem ekkert af slíku fólki heldur. Og eiginlega enga fræga eftir að Ellý hætti á Smettinu. Ég er eiginlega að átta mig á því núna að vinir mínir eru bara alls ekki nógu frægir. Þannig að það er óskað eftir frægum vinum. Og líka byltingarsinnum. Þeir eru svo vinsælir þessa dagana! Hinir geta bara átt sig.

PS Ég þekki Ellý heldur ekki neitt. Finnst hún bara kúl.
PPS Og engar skammir plís frá núverandi vinum í athugasemdum sem halda að þeir séu frægir en eru það bara ekki neitt.
PPPS Benedikt Gröndal telst ekki með í "PPS". Hann er alveg þekktur í sumum kreðsum þótt hæpið sé að kalla hann vinsælan.
PPPPS Hallgrímur Pétursson er vinsæll og veit af því. Sérstaklega um páskana.

Brjálaði sundlaugarvörðurinn

2009-01-08T16:00:00.003Z

Annars verður ykkur drekkt!

Íþróttameiðsl

2009-01-07T14:11:00.003Z

Ég festist í jógastellingu í september 2008 og hef lítið getað bloggað síðan. En ég á von á töflum frá Njarðvík í pósti sem eiga að vinna á þessu. Þangað til er hérna ljóð:

Kæsirinn
eða hleypirinn
var gerður
úr kálfsmaga
þurrkaður með öllu
er í honum var
vinstrinni
best þótti skyr
norðan og vestan
en lakara syðra
fullt af ostakögglum
og hlaupnum mærum
graðhestaskyr

Stífur eða strokinn

2008-12-27T13:01:00.002Z

Sjö skyrtur straujaðar í morgun og dansað willt við Cut Copy ber að ofan við eldhúsgluggann með strauboltann gufuspúandi í hægri hendi. Nú er ég á leið í rúmið með Lisbeth Salander. Byltingin heldur svo áfram á Austurvelli klukkan þrjú.

Prófarkalesarinn leysir málið

2008-12-24T07:04:00.004Z

Verum sæt um jólin

2008-12-24T00:49:00.003Z

Jólastemmingin

2008-12-22T23:35:00.001Z

Aðeins um jólin set ég síróp útí tannkremið mitt.

Jóladagadal

2008-12-21T11:00:00.001Z

Myndagáta með kanil, negul og engifer

2008-12-20T21:03:00.003Z

Kökuskreytingar fjölskyldunnar fóru fram í kvöld (ekki vonum seinna). Þessi gáta varð til á staðnum og var ráðin snarlega. Krakkiði kódið?

Köttur óskast

2008-12-11T23:38:00.002Z

Óskum eftir vinaketti fyrir vinalausan kött í Vesturbænum. Þarf að vera blíður og góður. Má vera hundur.
Geir og Inga

Hallur Grímur

2008-12-10T22:01:00.001Z

Af frumtölunum skuluð þér þekkja þá

2008-12-10T15:53:00.003Z

Ef ég hitti Benedikt Lafleur einhvern tíma einan úti á götu verður það mitt fyrsta verk að spyrja hann út í tölulega merkingu skírnarnafns míns.

Flýtival

2008-12-08T09:20:00.005Z

Nýi GSM-síminn minn er ofhlaðinn tækninýjungum. Hundrað graðar nunnur á spíddæal! sagði auglýsingin og ég lét glepjast. Svo er bara svarað í stjórnarráðinu þegar ég hringi. Mér finnst ég eitthvað svo hlunnfarinn.

Jólagjafalistinn

2008-11-27T19:16:00.011Z

1. Ævisaga Glúms Baldvinssonar
2. ~~Traustari fjárhagur íslenska ríkisins~~
3. Ævisaga Bryndísar Schram
4. DVD-diskur með úrvali af kattamatarauglýsingum
5. Váfugl eftir Hall Hallsson. Hljóðbók. Höfundur les.
6. Út að borða með Pétri Blöndal. Halti haninn Laugavegi 178. Rabbað um afleiðuviðskipti.
7. Ragnhildur Steinunn. Í eigin persónu.
8. Svafa Grönfeldt. Í eigin persónu.

Skráið ykkur fyrir gjöf!

Bjargráð í kreppu I

2008-11-18T13:32:00.002Z

Taka með sér tóma plastflösku í sund. Fylla hana af sturtusjampói. Segja að þetta sé orkudrykkur ef baðvörðurinn spyr. Smygla síðan heim.

Hvell-Geiri og margir fleiri

2008-11-13T20:26:00.005Z

Stolið

Fyrstur með fréttirnar

2008-11-07T11:55:00.008Z

Geir H. Horde er byrjaður að blogga. Þetta er bara nokkuð gott hjá stráknum.

"Hæjj öll sömul
Skoo! ég á að vera á alþingi en ég get ekki farið útafþví ég er Tábrotinn :( ;/
Ég get ekki stigið almenniæega í fótin það er gg vont skoo!!
Skoo! á alþingi þá er svona heimavinna að búa til solutiun ég og dýri erum saman í hóp það er gg gaman að gera þetta
En bææj skrifa kannski meir á eftir"

Uppgötvun ársins

2008-11-06T13:36:00.001Z

Það er notuð ilmbetri sápa í útiklefunum í Vesturbæjarlauginni heldur en í inniklefunum. Þarf frekari vitnanna við?

Flettismettisstatusblogg

2008-10-23T11:54:00.002Z

Hallgrímur: er ósáttur við fúllynda bloggara sem hætta að blogga af því að stóri strákurinn lemdi mig og er að íhuga að hætta lesa þá í mótmælaskyni en hann nennti því aldrei hvort eða er og ekki heldur hinum bróðurnum sem er menntaskólaheimspekingur í Noregi og fór líka í fýlu. Vælukjóar!

Q.E.D.

2008-10-17T09:05:00.002Z

Verklag dómsmálaráðherra er þetta:
1. Ríkissaksóknari gerir skýrslu um bankamálið (um hvort refsivert athæfi hafi farið fram) að beiðni ráðherra.
2. Skýrslan er lögð til grundvallar því hvort fram skuli fara lögreglurannsókn.
3. Niðurstöðum lögreglurannsóknar (ef hún fer fram) er vísað til ríkissaksóknara.
4. Ríkissaksóknari tekur ákvörðun um hvort ákært verður í málinu.
5. Dómsmálaráðherra þakkar ríkissaksóknara fyrir vel unnin störf.

Rétt upp hend sem ekki er ómótt.

Kipparikvartetti

2008-10-14T08:23:00.001Z

Til sölu vegna flutninga

2008-10-10T17:56:00.006Z

Vegna flutninga er íbúðin sem ég nota þegar ég er staddur á landinu til sölu. 180 milljónir eða besta tilboð. Hesthús fylgir og dyngja fyrir þræla. Hluti lóðar ófrágenginn. Gott tilboð fyrir laghenta.

Undirleikarinn

2008-10-07T17:57:00.003Z

ég hlæ
er é-heg sé
mig sjálfan
í spe-heglinum
ég er fagur
spengilega magur

Ívar eltiskinn

Minningargrein

2008-09-24T09:22:00.004Z

Jæja; þá er Björn Bj. Björnsson látinn; og vafalítið ekki sá síðasti sem deyr; á þessu ári. Björn var ráðherra, ég fletti því upp í Íslenskum samtíðarmönnum; og vafalítið góður sem slíkur. Björn kom einu sinni á heimili frænku minnar á Raufahöfn; það var áður en ég fæddist. Hann var þá að spyrja til vegar að Gistiheimili maddömmu Hildigerðar þar í bæ. Ég minnist þessarar heimsóknar; ætíð með söknuði. Í Íslenskum samtíðarmönnum kemur fram að Björn lauk prófi; í lögum frá Háskóla Íslands. Það var áður en Háskólinn í Reykjavík; og Háskólinn á Akureyri; og Háskólinn á Bifröst; og Háskólinn á Miðnesheiði; voru settir á stofn. Eitthvað skrifaði hann í skólablaðið; vísur og fleira. Hann er því réttnefndur; skáldbróðir minn. Björn kom mér ætíð fyrir sjónir; sem mætur maður. Ég var einu sinni staddur í bókaverslun í Reykjavík; þegar ég hitti Morten H. Gaarde samráðherra Björns. Ég fitjaði upp á samræðum; en hann sagðist vera tímabundinn. Mjög viðkunnanlegur maður; Morten. Ljóðabókin mín Helgur er harmur í rökkrinu; sem kom út 1983 fjallar mikið um dauðann. Hana sendi ég Birni þá um jólin; en fékk endursenda milli jóla og nýárs; það er til marks um heiðarleika Björns að hann þáði aldrei mútur. Að síðustu vildi ég þakka samfylgdina; og enda þessa minningu á ljóði úr áðurnefndri bók minni; sem batt okkur Björn svo mjög saman. Ljóðið heitir; Dauðinn er vaxkerti.

Þú sem brennur upp í anda,
ekki flýtur yfir sanda;
senn er ský á grænum skó
skemma nautin himna ró.

Toggi W. Gríndal

Jafndægurlag

2008-09-22T21:22:00.000Z

Getraun

2008-09-19T09:30:00.000Z

Finnið þrjár villur!

Kompan

2008-09-18T14:50:00.004Z

Níu ára strákur í pössun. Skræpótt vindsæng í ókunnu hverfi. Fyrir tíma ferðatannburstans. Aftursæti í rauðri Ford Kortínu. Öryggisbelti eða hittó. Reykjandi kelling í framsætinu. Kaninn í útvarpinu (14.85). Ís í Eden. Svo heim. Heilt ár í næstu árshátíð. Hjúkkit.

Íslenska konan

2008-09-16T18:45:00.003Z

Íslenska konan veiktist um 1,1% í dag og hefur aldrei verið veikari.

Eðlisfræði

2008-09-09T22:19:00.000Z

Smá upprifjun fyrir morgundaginn:

Tvær stjörnur

2008-09-07T21:01:00.002Z

Fellibylurinn Hallgrímur gekk yfir seint í gærkvöldi og skildi eftir sig ást og gleði í hjörtum mannanna.

Kontrapunktur og Steven King

2008-09-04T20:28:00.003Z

Mogens Wenzel Andreasen er á leiðinni til landsins og flytur fyrirlestur í Salnum sunnudaginn 14. september um notkun danskra tónskálda á efniviði úr eddukvæðum. Allir muna eftir Mogens úr Kontrapunkti, færri vita að hann er aðalþýðandi Stephens Kings á dönsku.

Efnafræði

2008-09-03T22:33:00.003Z

Ég er búinn til úr tveimur þáttum jafnt, efni og andefni. Samt hefur það síðarnefnda nær alltaf yfirhöndina.

Hver hver og vill og verður

2008-09-03T13:47:00.002Z

Jæja, þá er maður búinn að koma orðasambandinu "svona heilt yfir með þeim hætti" að í fræðilegri ritgerð í nýútkomnu safnriti. Fundarlaunum heitið. Bókin fæst í Bóksölu stúdenta.

Andfélagsbolurinn

2008-08-28T14:06:00.001Z

Aldrei aftur ostakaka

2008-08-21T08:33:00.003Z

"Húsblas eðr Sundmagalím, er tilbúit af sundbløðru fiskakyns þess, er náttúru-lærdir kalla Acipenser."

Rit þess Islendska Lærdóms-Lista Felags IX, 165

Íslenzk fyndni XVII

2008-08-20T13:32:00.003Z

Kunningi minn frá Akureyri sagði að nú væri komið rafmagn á hvern bæ í Eyjafirði. "Frá, frá, frá, Fúsa liggur á," sagði ég og trúði honum mátulega. En ég mun samt tékka á þessu þegar ég fer norður með póstbátnum í næstu viku. Það er fundur í Kívanis.

Blóðið í bakkanum

2008-08-17T21:02:00.002Z

Það eru yfirleitt rakadræg dömubindi undir bringunum í kjúklingabökkunum. Af því má draga þá ályktun að kjötið sé af hænum.

Kakan sem beygði tímann

2008-08-13T15:28:00.001Z

Hrá yst en fullbökuð í miðjunni.

Huggunarorð

2008-08-11T14:44:00.001Z

Jafnvel í eyrum málfræðinga er hugtakið hljóðdvalarbreyting gersamlega óskiljanlegt. Sama gildir um þáskildagatíð.

Sögur úr sumarleyfi 2

2008-08-11T12:04:00.002Z

Ekki eru allar brúðkaupsræður jafnleiðinlegar.

Sögur úr sumarleyfi 1

2008-08-06T11:33:00.000Z

Fór yfir Vaðlaheiði. Sá engan skúr.

Í fréttum er þetta helst

2008-07-01T22:10:00.003Z

Páll Magnússon hefur smám saman breyst í Ingólf Bjarna Sigfússon svo að nú er nær ómögulegt að greina þá í sundur. Gott samt að hann rann ekki saman við Elínu Hirst.

Fjallkonan

2008-06-18T13:03:00.000Z

Er farið að senda Skaupið út tvisvar á ári?

Enskar búningamyndir

2008-06-17T23:15:00.001Z

Það er ekki auðvelt að horfast í augu við það núna að einu sinni þótti manni Howards End góð bíómynd.

Villuletur

2008-06-16T15:33:00.004Z

Búinn að vera að kljást við dulmál frá 17. öld undanfarið. Það fjallar mest um þrútin eistu og hvernig á að fá konu til að missa girnd til kallmanna. Já, þær voru víst svo spólgraðar kellingarnar á 17. öld að þroti hljóp í annað hvort eista. Þá er nú betra að vera uppi á tíma múffunnar.

Z fyrir Zúruberin

2008-06-12T21:06:00.002Z

Súrsætur (súrsaður) töffaraskapur dauðans.

Teitur Móðins

2008-06-10T10:42:00.002Z

Tate Modern á sunnudaginn: ég og Max von Sydow stöndum fyrir framan mynd eftir Pollock. Hann hnippir í mig, nikkar að myndinni og segir "Jävla skit!" "Jo, visst," segi ég, "SATANS skit!"

4HD

2008-06-04T16:38:00.001Z

Mig langar í jeppa. Helst svartan. Ég mundi þá kalla hann Kunta Kinte.

Fyrir utan gluggann

2008-06-02T22:37:00.003Z

Það lónir varðskip hérna úti á Skerjafirði. Ekki minnkar paranojan í manni við það.

Mannariða er merkileg

2008-05-29T23:29:00.005Z

Það hefur verið dálítil riða í mér í dag en mér er að takast að ryðja henni burt með kvöldinu. Ekki síst með hjálp Hofs og Strákanna á ströndinni.

Í guðs bænum ekki smella á þenna línk!!

Kaldi hvað?

2008-05-27T11:59:00.001Z

Bloggað úr bælinu

2008-05-27T10:06:00.001Z

Rúmfastur í 4 daga. Blue Velvet. Inland Empire. Philip Glass. Tómas postuli. Alltaf í jafn helvíti góðum tengslum við raunveruleikann, Grímsi, ha? Lifi á grænum frostpinnum og beiskum brjósiggum. Ég er raddlaus en hef fjórhliða samskipti við umheiminn með seðlum. Á þeim stendur "Já", "Nei", "Ha?" og "Ég ansa ekki svona bulli". Gefst bara vel. Heilsa er ofmetin. Næst á dagskrá: Karlarígur í Kveinabæli og tejukk.

Hús verslunarinnar

2008-05-23T22:05:00.002Z

Spurningin er þessi: hver flutti Hús verslunarinnar úr Engihjallanum og af hverju?

Klórauðir krabbar

2008-05-20T15:56:00.002Z

Einu sinni hélt ég að fólk með krabbamein væri með búkinn fullan af klórauðum kröbbum með útstæð augu sem byggju í maganum en syntu um líkamann eftir slagæðunum. Nú skilst mér að veruleikinn sé jafnvel ennþá skelfilegri.

Sumarleyfi

2008-05-16T13:24:00.001Z

Ég er svo spenntur fyrir gönguferðum sumarsins að ég er þegar byrjaður að hamstra þurrmat í kauffélaginu.

Það gengur svona

2008-05-14T11:38:00.001Z

FÝR ÁN FÖÐURLANDS. Besta ritið um bókmenntateóríu síðan Tekstens mønstre?

Stjórnin

2008-05-14T09:20:00.004Z

Bíddu, eru þá Sigga Beinteins og Grétar Örvars ekki lengur kærustupar?

Konungsheimsóknin 2008

2008-05-11T12:14:00.003Z

Við fengum prins og pessu á landi þessu
stúlku í dragt og dreng í dragi
hestar stukku og fánar blöktu
börnin prúð í einni röð.
Hvort var það ekki í Stykkishólmi?
Eitt var eitthvað illa fyrirkallað
har dú nokkesinne haft
bússe fantasíer
ég meina ertu hommi
eins og bróðir þinn?
Eitthvað eru dönsku dagarnir
illa að skila sér í skólakerfinu

Litlir bassar og dingalingaling

2008-05-10T14:12:00.002Z

Sergei Rachmaninoff, Vsenoshchnoe bdenie Opus 37 a.k.a Vespers. Á mánudaginn kl. 17 hjá Mótettunni í kirkju nafna míns Grímsa rokks. Basso profundo (imported) og alles.

Maður er manns kamar

2008-05-09T08:58:00.002Z

Einu sinni voru Lech Wałęsa, Solidarność og Wojciech Jaruzelski á allra vörum. Nú eru það blýgrái sorglegi maðurinn, Dr. Stuð og hljómsveitin Einþykkni.

Sögusmetti

2008-05-08T20:26:00.002Z

Hvar er Illugi Jökulsson og Frjálsar hendur nú þegar þarf að leka út nafninu á kynferðisglæpamanninum og barnaníðingnum í Háskólanum í Reykjavík?

Jarepútnam

2008-05-08T15:45:00.001Z

Svona menn eiga bara skilið alla péninga heimsins.

Franskar stelpur

2008-05-08T09:03:00.002Z

more cat pictures

Hjúkkit

2008-05-02T13:23:00.000Z

Hljómsveitin Skriðjöklar er liðin tíð.

Austur

2008-05-02T09:53:00.002Z

Eftir 24 tíma verð ég staddur í miðjum hlíðum Hnappavallajökuls. Síðast þegar ég var þar ginu við okkur ógnardjúpar jökulsprungur, snjóflóð vofðu yfir og skyggni var ekki. Karlmenn hrinu en harðgert kvenfólk beit í ísaxareggjar. Ég ætla rétt að vona að það verði jafn skemmtilegt núna. Tek Laxdælu samt með á æpoddinum til vonar og vara.

Hraðlestin Hlemmur-Drammen

2008-04-27T17:43:00.006Z

Á Ægissíðunni eru tuttuguogfimm Indverjar að spila krikket. Skeggjaður maður á einhjóli þýtur eftir göngubrautinni (sem GM ætlar að tvöfalda algerlega að þarflausu). Hann er tattóveraður "Billy Smart forever" á upphandleggnum. Strákurinn er sofnaður í aftursætinu. Röðin í ísbúðina á Hagamel nær upp í Landakot. Veit einhver hvað Láru fannst um bréfið sitt? Konan er eitthvað að tala um giftingarveislu í næstu viku. Ég er strax búinn að gleyma því. Melónutyggjó er viðbjóður en einkadóttirin er ekki að fatta það. Annaðhvert hús á Laugavegi er tómt. Rómantík.is hefur ekki tekist að rífa stemminguna upp á Hverfisgötunni þrátt fyrir góða herferð í glugganum. Það er þrekraun að bera fimm Bónuspoka fulla upp á fimmtu hæð. Næst: rísottó og kjúlli.

Í Noregi er til maður sem heitir Otto Reese.

Prófessor Prump

2008-04-25T19:45:00.003Z

Prófessor í íslensku máli sagði í dag starfi sínu lausu eftir að hafa beitt þáskildingatíð á fordæmislausan hátt.

Sumargleðin

2008-04-24T11:10:00.001Z

Jóðlandi kona mjólkar kú.

Orðabókin

2008-04-22T13:26:00.002Z

Þótt bráðkvaddur sé öllu drungalegra orð en ljósmóðir finnst mér það samt launbjartara og fallegra.

Svo segja gagnrýnendur að það sé jafnvel miklu betra en Flugdrekahlauparinn.

Gótusóparinn góði

2008-04-22T11:51:00.003Z

Rétt í þessu óku þrír dvergvaxnir götusópingsbílar framhjá glugganum mínum. Nú stendur eitthvað mikið til! Gísli Martin ók náttúrlega þeim fyrsta, Salvador Dali öðrum og Gunnar Birgisson þeim þriðja. Og það kom eiginlega mest á óvart.

Þetta er örugglega ekki í síðasta skiptið sem ég dotta í vinnunni.

Afmælislagið mitt

2008-04-21T14:16:00.002Z

Samkvæmt honum Josh. Þetta er ekkert slor!

Standpínubókmenntir

2008-04-20T01:05:00.003Z

Hann fékk sér annað viskíglas, brundaði yfir tímaritið og sofnaði nánast afslappaður.

Ollivandur

2008-04-18T13:19:00.006Z

Ég hitti einu sinni fíl einn í Díbjútý að nafni Bebelú. Hann var þá mjög feitur og sællegur. Seinna las hann í Cosmopolitan að »fat is back in fashion«. Síðan þá hefur hrunið af honum mörinn. Í dag er hann valla nema eyrun og raninn.

Hómer máfá osborgarah

2008-04-18T11:02:00.000Z

Vorrúllur Hafrannsóknastofnunar

2008-04-17T09:21:00.003Z

Nú er líka hægt að fá rúllur með þorskhausum og kálkruði ... Fáir efast um mikilvægi þess ... Sem er til bóta.

Lítið á klippuna

2008-04-15T17:30:00.000Z

Þetta mál allt minnir frekar á atburðarás í svæsinni bandarískri glæpamynd. Staða mála er mjög afgerandi. Eftir fyrri umfjöllun vekur þessi staðreynd upp margar spurningar. Það er bara staðreynd, sem ekkert fær breytt. Hef alltaf talið svo vera. Get ekki betur séð en að þar hafi mjög margt ræst. Og þó. Enda voru þeir illa sviknir sennilega. Finnst það stór og áleitin spurning. Merkileg saga, eiginlega of ótrúleg að vera sönn. Virðist vera góður árgangur allavega. Á því þarf að taka sem fyrst. Þetta er mikil sorgarsaga. Var þar hinn trausti sem hægt var að treysta að gæti tekið á málum fumlaust og af ábyrgð. Er þó ekki í vafa um að hann er sömu skoðunar. Hingað komu mjög margir og vonandi hafa allir fundið eitthvað skemmtilegt við sitt hæfi. Burtséð frá því öllu er ekki hægt að hafa samúð með neinum sem drepur börn.

Lyklavöld

2008-04-12T13:52:00.003Z

Lyklakippan mín samanstendur af nokkrum elementum: hálssnúru, karabínu, merkispjaldi, auðkennisbankadimsi, þremur spennihringjum og 11 lyklum (og þetta er bara hinir essintiellu lyklar, engir bíllyklar meðtaldir eða líkamsræktarlásalyklar). Þessir 11 lykar gegna svo ýmsum hlutverkum: 2 húslyklar (uppi og niðri), geymslulykill, póstkassalykill; húslykill að öðru húsi í öðrum bæ, hjólalykill, 2 lyklar að háskólastofnun (sitthvor deildin), bílafellihliðarlykill, 2 lyklar að fyrirtæki útí bæ. Ég efast ekki um að kippan mín sýnir hversu important maður er og margslunginn. He he he.

Dóttir mín á líka lyklakippu. Á henni eru þrír lyklar: húslyklar 2 (uppi og niðri) og einn hjólalykill. Það er allt og sumt. Svo er líka lyklahringur og bangsi fastur við hann. Einnig sætur hnoðri í bandi. Fléttuð plaststnúra. Málmspjald með mynd af bangsa og bókstafnum "U". Oggulítil skjaldbaka. Skrautspjald með Hello Kitty kisumjásu.

Að öllu samanlögðu eru kippurnar okkar álíka stórar og þungar. En mikið saknar maður þeirra tíma þegar maður þurfti bara þrjá lykla til að komast af.

Kossaminningamaskínan

2008-04-09T09:08:00.004Z

Nú er ég að leggja lokahönd á nýjustu uppfinninguna mína, kossaminningavél (e. kiss-remembrance machine). Hún er eiginlega sérhæfð tímavél, sækir aftur í tímann til þess þegar ákveðin spenna varð í efri hringvöðva. Hversu langt aftur er farið er auðvelt að stilla á lyklaborði sem tengt er við LCD-skjá. Við vélina tengjast díóður sem festar eru við gagnaugu, enni, kinnar og höku. Síðan endurgerir maskínan upplifun allra sex skilningarvita á viðkomandi kossi.

Ég er mikið í prófunum þessa dagana. Rifja upp gamla daga og ekki svo gamla. Kyssábáttiðkoss frá mömmu frá því ég var fjögra ára. Kossar frá viðkvæmu aldursskeiði (12-25 - já, ég byrjaði snemma). Tilhugalífskossarnir (allir!). Hjónakoss frá í fyrra. Góðanóttkoss barnanna (allt frá fyrstu ófullkomnu tilraunum). Fræðilegir samherjakossar (ekki margir). Stolnir kossar.

Ásóknin í vélina er þegar hafin en góðum vinum er vel hægt að tryggja tíma.

Low

2008-04-04T11:53:00.002Z

Nokkur misgömul lög með Low og eitt nýtt. Tónleikar í kvöld á NASA. Frétti fyrst af því í dag. Lo-Fi rúnk en gott stöff. Einboðið að skella sér.

Piltur og stúlka

2008-04-04T09:16:00.003Z

Una mín lék Mancini á flygilinn í ráðhúsinu í gær. Hún fékk rauða rós að launum og bar hana eins og blóm. Svo rétti hún litla bróður sínum rósina. Hann hélt á henni eins og sverði og var strax farinn að berjast við dreka. Kannski er þetta til vitnis um óumbreytanlegan grundvallarmun kynjanna, stúlkur alltaf að leika prinsípessur, piltar að snapa sér riddaralegan fæting?

Þelamerkurskíði

2008-04-03T14:34:00.004Z

Það er fátt svalara en Telemark-skíðarar. Og sveli er æðst allra dyggða.

Allir vita svo að Telemark er Þelamörk í eldra máli. Annað heiti á Telemark er hinsvegar Skíðasýsla. Ég mundi nú alveg vilja búa á svoleiðis stað. Skíðadalur í Svarfaðardal kemur líka til greina.

Prump, prump, sagði flautan.

2008-04-03T13:43:00.002Z

Trukkaskríllinn var með flaut og læti í hádeginu í dag. Ósköpin heyrðust meinlega vel í Vesturbæjarlauginni, jafnvel í kafsundi. Hvers eiga ungabörnin sem sofa úti í vagninum sínum um miðjan dag að gjalda? Á tímabili heyrði maður svo varla í honkítonkflautinu fyrir barnsgráti. Rumpulýður!

Trukkabeljur

2008-04-03T08:49:00.004Z

Vaknaði klukkan hálf sex í morgun. Fór út skömmu síðar til að mjólka. En voru þá ekki kýrnar í Hjarðarhagafjósinu búnar að teppa aðgang að mjaltahúsinu. Skítt með það, ég fór bara aftur inn að sofa.

Vonandi drepist þið úr júgrabólgu fokkings beljur!

Styrktarsjóður HJÁ fyrir ríka kalla

2008-04-01T09:17:00.003Z

Ertu í vandræðum með afborganirnar af Reynsanum? Er 140 feta hjólhýsið að sliga fjárhaginn? Eru óvæntar komplikasjónir út af typpastækkuninni? Fór konan frá þér fyrir ennú ríkari kall? Styrkir í boði til að leysa öll vandamál. Engar spurningar. Hafið samband í síma +354-éttu-hor eða netfangið ríkurkall@fáviti.is. Allt að 1500 kr. styrkur í boði fyrir þá sem sækja um fyrir kl. 14 í dag.

Maðurinn og málshættirnir hans

2008-03-31T15:54:00.003Z

Sitt er hvað, kæfa eða kjörklefi.

Litla stúlkan með veðurspáprikið

2008-03-24T18:57:00.005Z

Það er alltaf sól í kortunum hjá þokkafullu veðurspákonunni. Sem hljómar eins og hún sé nýkomin heim af útihátíð.